Архитектката Даница Павловска – Циги во Аргумент плус рече дека покрај тоа што се обвинуваат системот и државата, треба да се обрне внимание и на човечкиот фактор кој го сочинува тој систем.
Таа објасни и дека Инспекторатот за домување треба почесто да прави проверки во сите објекти за домување.
„Лесно е да се обвинува системот и државата но тоа се организирани структури и ако треба некој да се обвини тоа се тие што го сочинуваат тој систем а тоа е човечкиот фактор. Ниедна корупција не треба да се негува но оваа нас што не труе го уништува и она малку вредно што го имаме како држава. Апелирам да се разбудиме како луѓе, како единки и ако делуваме секаде и секогаш ќе почнеме да правиме промени и ќе направиме нешто“, рече Павловска.
Таа објасни и дека Инспекторатот за домување треба почесто да прави проверки во сите објекти за домување со цел да се има поголема безбедност.
„Порано се правеа симулации за пожари за земјотреси. Инспекторатот за домување е задолжен да ги проверува на нашите домови и тие мора редовно да следат ситуација, не работи хидрантот тоа мора да се регистрира и евидентира. И ако е добра организацијата тоа се надминува. Не може да немаме заштита. Сигурно и безбедно користење на просторот. Ако цревата се крадат може да се најде начин да се заштитат. ПП апаратите да бидат достапни, план за евакуација да има. Мора градинките и училиштата да се безбедни“, додаде Павловска.
Таа апелираше да се направи спомен белег на жртвите во трагедијата во Кочани.
Извор: 24vesti.mk
