Сојузот на синдикати на Македонија денеска најави протести на 2 април годинава, поради одлуката на Владата да ја утврди минималната плата без учество на работниците како што налага Законот за минимална плата. Ова денес на прес конференција го изјави претседателот на ССМ, Слободан Трендафилов кој информираше за одлуките донесени на седница на претседателствот на ССМ
Главна причина за ваквата одлука, како што посочи, е одлуката на Владата еднострано да ја усвои информацијата за минимална плата, со која минималецот се зголемува за нешто на 1,.800 денари, што според синдикатот е на штета на рработниците.
„Од последната прес-конференција се засилија нападите кон ССМ и другите синдикати од политичка партија и политички поставени директори кои земаат плати од нас кои плаќаме даноци. Ги плаќаме за жестоко да се борат со закани и уцени, откази и намалување на плати на наши активисти, со цел да направат друг репрезентативен синдикат на штета работниците“, истакна Трендафилов.
Тој рече дека намерата на синдикатоте не е да се руши Владата, туку да им се зголемат платите на работниците.
Трендафилов информираше дека не се преговара со поголемиот дел на гранските синдикати на ССМ, како и за висината на платите.
ИЗВОР: racin.mk
