Паралелно со американско, руско-украинските преговори во Саудиска Арабаија, францускиот претседател Емануел Макрон денеска ги собра во Париз европските лидери заедно со Украина за да се промовира како што велат „Коалиција на подготвени“ која ќе застане зад Украина во време кога американската подршка за Киев е нејасна.
Претседателката на Европската комисија Урсула фон дер Лајен на самитот изјави дека ЕУ работи на зајакнување на безбедноста на Украина, но и на Европа во целина.
„Зајакнувањето на Украина да се брани е почетната точка. Потребен ни е и заеднички и долгорочен план. Ова е нашиот план за Подготвеност 2030 година“, напиша таа на профилот на Икс.
Францускиот претседател Емануел Макрон разговараше со американскиот претседател Доналд Трамп пред денешниот состанок во Париз за Украина, соопшти француското претседателство. Прашањето за испраќање западни мировници на украинска територија во случај на прекин на огнот со Русија ќе биде во фокусот на самитот анализираат дел од медиумите. За време на вчерашната посета на Јамајка американскиот државен секретар Марко Рубио кажа дека по состанокот во Саудиска Арабија САД ќе ги проценат барањата на Русија за прекин на огнот во Црното Море.
Изјава Марко Рубио, Државен секретар на САД – Американските власти ќе работат за „поцелосно да разберат каква е руската позиција или што сакаат за возврат, а потоа тоа ќе му го претставиме на претседателот Трамп“ и ќе биде донесена одлука за следниот чекор.
Самитот во Париз доаѓа по низата состаноци одржани во последните недели со цел да се воспостават безбедносни гаранции за Киев како дел од можниот иден мировен договор со Русија, што се обидуваат да го постигнат САД, предводени од Доналд Трамп.
Извор: 24vesti.mk
