Вонредни инспекциски контроли се спроведуваат низ општини во Македонија. Се проверуваат приватни и државни објекти, колективните домувања.
Инспекторите имаат полни раце работа потврдува и претседателот на Заедницата на едениците за локална самоуправа Орце Ѓорѓиевски кој изјави дека е во постојана комуникација со сите градоначалници и потврдува дека има недостиг на локални инспектори, засега општините меѓусебно си ги разменуваат, но мора да се испумпа овој вакум на недостиг.
Во сите училишта има противпожарна опрема, но некаде ќе треба да се дообнови и досреди на што активно се работи вели министерката за образование и наука Весна Јаневска, обврска која треба да се спроведува барем еднаш годишно.
Во образовниот процес мора да се воведат т.н симулации т.е вежби за безбедна евакуација и како правилно треба да се реагира, за што е потребно прво едукација на наставниот кадар кој ќе ја пренесат на младите, меѓутоа и министерката и претседателот на ЗЕЛС уверуваат дека образовните институции се безбедни и не треба јавноста да стравува за своите деца.
Извор: 24vesti.mk
