Започнува теренска контрола на сите субјекти регистрирани како кабаре, дискотеки или ноќни клубови

Започнува теренска контрола на сите субјекти регистрирани како кабаре, дискотеки или ноќни клубови по што властите ќе излезат со детални информации.

Почнувањето на контролите вчера го најави премиерот Христијан Мицкоски по координативниот состанок со директорот на Државниот пазарен инспекторат Влатко Стојкоски и министерот за економија и труд Бесар Дурмиши на кој се разговарало за досегашните постапки кои се преземани од надлежните институции и опсежната анализа за сите субјекти регистрирани како кабаре или дискотеки, ноќни клубови.

Премиерот Мицкоски уште завчера на прес-конференција во Владата рече дека ќе почне робусна акција на проверка на сите документи во угостителските објекти, по страотниот пожар во дискотека во Кочани, во кој досега загинаа 59 лица, а 155 се повредени.

-Почнува робусна акција во насока на проверка на сите документи, сите лиценци, сите дозволи за градба, сите дозволи за употреба, дозволи за работа, и убеден сум дека ќе најдеме стотици, десетици… Милиметар да недостасува ќе бидат затворени, тука нема да има милост кон никого, рече Мицкоски.

Истакна дека објектот каде што се случи пожарот имал фалсификувана лиценца за работа од датум 13 март 2024 година, потпишана од тогашната државна секретарка во Министерството за економија Размена Чекиќ Дуровиќ.

Извор: 24vesti.mk

Latest from Blog

На пациенти во „8-ми Септември“ им се направени и операции, доктор Стојаноски објасни што е превземено

Во Градската општа болница „8 Септември“ во моментов се хоспитализирани 15 пациенти повредени во ужасниот пожар што се случи во Кочани. Од нив е планирано уште тројца да бидат испратени во странство.

Ердоган: Изразувам сочувство за загинатите во Кочани, на повредените им посакувам брзо заздравување

Претседателот на Република Туркије, Реџеп Тајип Ердоган упати писма со сочувство за загинатите во трагедијата што се случи во Кочани до претседателката Гордана Сиљановска Давкова и до премиерот Христијан Мицкоски. – Со

Таравари: Ќе има санкции ако се утврди лекарски пропуст во случајот со починатиот пациент во Куманово

Министерот за здравство, Арбен Таравари, изјави дека е запознаен со случајот на 31-годишниот пациент кој починал во кумановската болница, а чие семејство тврди дека му бил даден лек на кој бил алергичен.

Во Делчево одржан академски час за загинатите во несреќата во Кочани

На мирен собир, во рамки на академски час, учениците и вработените во Средното општинско училиште „Методи Митевски – Брицо“ Делчево им оддадоа почит на загинатите во несреќата во дискотеката во Кочани. Ученичката

Болна објава на Марија која ја загуби сестрата во пожарот во Кочани: Оваа болка не се издржува, извини што не можев да те спасам

Младата Марија Тасева се спаси од пламените јазици во дискотеката „Пулс“ во Кочани, кои проголтаа 59 животи. Но, меѓу жртвите е и нејзината сестра, Лепа. Марија со емотивна објава полна со болни