Две лица повредени во катастрофалниот пожар, утрово пристигнаа во Хрватска

Две лица, повредени во пожарот во дискотеката „Пулс“ во Кочани, рано утрово во 4 часот пристигнаа на лекување во Хрватска.

Тие ќе се лекуваат на Клиниката за трауматологија во Клинички болнички центар „Сестра на милосрдието“ во Загреб.

Пациенти повредени во катастрофалниот пожар во Кочани, веќе се лекуваат во Бугарија, Србија, Грција, Турција, Литванија, а се очекува дел од повредените да заминат на лекување и во Словенија и Австрија.

Во стравичниот пожар загинаа 59 лица, а повеќе од 150 се повредени, од кои 40 се во критична состојба.