Десетици пропусти се пронајдени во првите часови од увидот во дискотеката каде загинаа 59-лица. Републичкиот јавен обвинител, Љупчо Коцевски кажа дека дел од нив се многу големи“. Краткорочен притвор ќе се бара за 10 лица.
Од Кочанскиот суд побарано било да се изврши и претрес во дом. Денеска дел од јавните обвинители извршиле и увид на лице место во дискотеката и тој траел до вечерва, а ќе продолжи утре сабајле.
Минстерот Панче Тошковски попладнево изјави дека објектот во Кочани кој служел како дискотека, немал лиценца за работа како дискотека. Последната издадена лиценца е во март 2023та година за кабаре од министерството за економија, со важност од една година до март 2024та. По овој датум клубот Пулс не смеел да работи како дискотека. Од министерството за економија не излегоа со податок, дали после март минатата година лиценцата е обновена и за каков тип на објект. Министерот напомена дека дека дискотеката има фалсификувани лиценци со датум од 2024та година наваму.
Приведени се 15 луѓе меѓу нив поранешен државен секретар на Министерство за економија, раководител на сектор во Мнистерство за економија, приведен е и поранешен директор на Дирекција за заштита и спасување и тројца вработени во Дирекцијата. Министерството за внатрешни работи во кординација со јавното обинтиелство, има осомничено, повеке од 20 луѓе. Околу 15 се во полициска станица, дел од осомничените за предизвикување на овој настан се почанти, дел се во болница.
Тошковски информираше дека во дискотеката во Кочани имало 500 гости, а пријавени биле 250 влезници. Министерот потврди дека во дискотеката имало и малолетни лица. Според неговите информации, дваесетина од повредените се тинејџери, а тројца од починатите биле деца под 18 години. Во полицоската станица во Кочани во текот на целиот ден се носеа докази од изгорената дискотека. Загинатите 59 луѓе се од Скопје, Штип, Кочани, Пробиштип.
Извор: 24vesti.mk
