Сиљановска Давкова: Не е време за делби и конфронтации, одговорните не смее да ги избегнат правото, правдата и казната

March 16, 2025
1 min read

Претседателката на државата Гордана Сиљановска Давкова попладнево во обраќање до јавноста по трагедијата во Кочани порача дека не е време на делби и конфронтации и дека никој што е одговорен нема да ги избегне правдата и казната.

– Не е време за делби и конфронтации, особено кога се во прашање млади луѓе, чиј живот за миг згасна заради самоволие, импровизација и манипулација. Без стандарди и правила не смее да функционира ниту една дејност и активност. Ниту еден одговорен овој пат не смее да ги избегне правото, правдата и казната, рече Сиљановска Давкова.

Да не ја сквернавиме невината жртва на погинатите да ги здружиме силите околу преживеаните, рече Сиљановска-Давкова, потенцирајќи дека не треба веќе да дозволиме никој повеќе да ги загрозува животите на невините луѓе.

– Никогаш повеќе да не ги жртвуваме стандардите и сигурноста на луѓето за профитот и богатството на поединци. Ништо не е повредно од човечкиот, а особено од младешкиот живот, нагласи претседателката.

Посочи дека утринава ги посетила хоспитализираните и оти таму ја дочекале роднините на повредените, со надеж и доверба во медицинскиот персонал. Сите сме во шок, кажа таа, посочувајќи дека и таа самата е шокирана.

– Како мајка, како човек, како претседателка. Сè уште не можам да поверувам дека ужасната трагедија во Кочани е реалност. Не знам со кои зборови да им изразам сочувство на родителите и најблиските на погинатите. Вашата неизмерна болка е и моја, рече претседателката.

Сиљановска Давкова посочи дека повеќе држави се огласиле за помош.

– Најтешко повредените се транспортираат на специјализираните клиники во Бугарија, Србија, Грција и Турција заради добивање врвна медицинска помош и интервенција. Добрите луѓе од целиот регион, Европа и Светот се со нас. Никогаш нема да го заборавиме овој добродетелски чин. Вечно ќе им бидеме благодарни, рече Сиљановска Давкова во обраќањето до јавноста.

Во пожарот во дискотека во Кочани рано изутринава загинаа 59 лица, а 155 се повредени.

ИЗВОР: kurir.mk

MARKETING

MARKETING

Претходно

Трагедијата во Кочани го крена на нозе и регионот, но и Европа

Следно

Вкупно 47 повредени ќе бидат хоспитализирани надвор од државата, на помош пристигнуваат специјалисти за изгореници

Latest from Blog

Турското беспилотно летало АНКА успешно ги поминува предизвикувачките тестирања

ИСТАНБУЛ (АА) – АНКА III, еден од високопрофилните беспилотни летала на Туркије, произведени и дизајнирани во земјата, успешно погоди цел користејќи ја муницијата ЛГК-82 на турскиот одбранбен гигант АСЕЛСАН, јавува Анадолу. Постојано

По девет години жител на сириски Алепо се враќа во својот роден крај, затекнувајќи го уништен до темел

АЛЕПО (АА) – Касим Абу Мухамед, по девет години поминати во камп за раселени лица, се врати во својот некогашен дом во сириски Алепо, но го затекна уништен до темел. Наместо улиците

Митева: Една официјална сметка за донации – Владата ќе соработува со Црвен крст

Овие денови се собираме под многу тешки околности. Оваа трагедијата во Кочани длабоко не потресе сите нас и пред сè сакам да изразам најдлабоко сочувство до семејствата кои ги загубија најблиските. Нашите

ФОТО Граѓаните фрлаа камења и го превртија возилото на сопственикот на „Пулс“

Во Кочани денеска се одржаа протести по несреќата во дискотеката „Пулс“ во која изби пожар во кој 59 лица го загубија животот. Граѓаните кои протестираа стигнаа до фирмата на сопственикот на дискотеката

Рокас: Тука сме со поддршка како ваши партнери од првиот миг, да се поддржуваме меѓусебе во вакви тешки мигови

Евроамбасадорот Михалис Рокас денеска изјави дека ЕУ како партнер на Северна Македонија е тука со поддршка и помош од првиот миг на трагедијата што се случи во Кочани, во која животот го
Go toTop