Повредени во пожарот во Кочани пренесени во Штипската Болница, во „8 Септември“ и на Скопските клиники

March 16, 2025
1 min read

Повеќето од повредените  лица во пожарот во дискотеката во Кочани што се случи ноческа се пренесени во кочанската општа болница каде се уште им се укажува медицинска помош.

Поради сериозност на повредите здобиени како резултат на пожарот и вдишување чад дел од повредените се пренесени во Клиничката болница во Штип, во Градската општа болница „8 Септември“ и на Скопските клиники.

Пред Болницата во Кочани се наоѓаат голем број на блиски и роднини на повредените и на починатите. Општинската организација на Црвен крст прави списоци за утврдување на идентитетот на загинатите лица.

Во првичната информација од МВР за МИА, се посочува дека најмалку 50 лица се загинати во дискотеката во Кочани во која ноќеска избувнал пожар за време на концерт на позната група.

Според информациите објавени во дел од медиумите пожарот најверојатно настанал поради употреба на пиротехнички средства.

Министерот за внатрешни работи Панче Тошковски веќе се наоѓа на местото на несреќата и се очекуваат првите информации за трагедијата.

Кон местото на несреќата се упати и премиерот Христијан Мицкоски.

Сите надлежни служби, вклучително и јавен обвинител од Основното јавно обвинителство Кочани се на терен. Бројот на жртви и повредени се утврдува. Се уште се преземаат дејствија и се врши увид.

Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување.

Извор: 24vesti.mk

MARKETING

MARKETING

Претходно

Марк Маркез до триумф на спринт трката во Аргентина

Следно

Бројот на жртви и повредени се утврдува по пожарот во Кочани

Latest from Blog

Две лица повредени во катастрофалниот пожар, утрово пристигнаа во Хрватска

Две лица, повредени во пожарот во дискотеката „Пулс“ во Кочани, рано утрово во 4 часот пристигнаа на лекување во Хрватска. Тие ќе се лекуваат на Клиниката за трауматологија во Клинички болнички центар

Здружението на бизнис жени од Грција обезбеди сместување за роднини на хоспитализираните во Солун

Сместување за роднините на повредените лица од трагедијата во Кочани, кои се хоспитализирани во Солун, но и транспорт од сместувањето до болниците обезбедува Здружението на бизнис жени од Грција кои веќе имаат

Денови на жалост во земјава, сочувство за настраданите во Кочани и во Србија, Бугарија, БиХ и Црна Гора

Во земјава и денеска е ден на жалост за настраданите во несреќата во Кочани. За време на седумдневната жалост што ја прогласи Владата, знамињата се на половина копје, откажани се сите музички,

Бах: Боксот ќе биде дел од Олимписките Игри во Лос Анџелес 2028 година

Претседателот на Меѓународниот олимписки комитет (ИОК) Томас Бах му препорача на Генералното собрание да го вклучи боксот во програмата на Олимписките игри во Лос Анџелес во 2028 година. Бах изрази „увереност“ дека
Go toTop