Протест во Тирана против суспендирањето на платформата ТикТок

March 15, 2025
1 min read

На повик на лидерот на опозициската Демократска партија, Сали Бериша,  вечерва пред владата во Тирана се одржа протест  под мотото ” Младината против цензура – во одбрана на слободниот глас”, како реакција на владината одлука за привремено суспендирање на ТикТок во државата . 

Обраќања имаа повеќе млади од различна возраст, како и претседателите на младинските форуми на опозициските ДП и Партијата на слободата.

Сите без исклучок повеќе наликуваа на обраќања на партиски митинг,  изобилуваа со обвинувања до премиерот Еди Рама и завршуваа со зборот “победа”.

-Пристапот до видео платформата во Албанија, како што соопшти владата, ќе биде блокиран една година, почнувајќи од 13 март, се додека компанијата не постави сигурносни филтри, но платформата се уште е активна.

Бериша, во изјава за медиумите по протестот,  и вечерва обвини дека Рама сака да ја блокира социјалната мрежа од изборни причини бидејќи голем број млади се мајтапеле со него, објави АТА.

Генералниот секретар на демократите и координатор на пратеничката група, Фламур Нока за медиумите рече дека “премиерот Еди Рама ќе остане во историјата како непријател на слободниот говор на Албанците”.

– Рама паничи поради слободата на говорот.  ТикТок е најнеконтролираната апликација од владата, каде што му се симнува маската на Рама. Затоа  се обидува да ја цензурира. Ќе остане во историјата како непријател на слободата на говорот и Албанците,  обвини Нока.

Одлуката за привремено суспендирање на платформата беше иницирана од албанската Влада откако, во ноември, тинејџер избоде до смрт друг тинејџер по расправија што наводно започнала на ТикТок.

Протестот мина мирно, иако најавен како национален учеството беше симболично и наместо најавените два часа траеше нешто повеќе од час.

Инаку, за безбедноста беа ангажирани 1200 полициски службеници од сите сектори  имаше пет цистерни со вода во случај на потреба. По целиот булевар ” Национални херои” поставени беа камери со висока резолуција, а влезот во владината зграда заштитен со метални огради. Засилено беше  обезбедувањето пред парламентот, зградата на општина Тирана и Министерство за внатрешни работи.

Извор: 24vesti.mk

MARKETING

MARKETING

Претходно

Студентите прогласија крај на протестите пред Собранието на Србија по инцидент

Следно

Пленковиќ отпуштен од болница по операцијата

Latest from Blog

Тошковски: Нема да има милост за никого!

Министерот за внатрешни работи, Панче Тошковски вечерва изјави дека „осомничени досега се повеќе од 20-тина луѓе, согласно последните информации кои ги добив за најголем дел од нив веќе се извршени разговори со

ЗНМ до политичарите: Покажете емпатија, бидете транспарентни, почитувајте ги новинарите и избегнувајте политизирање трагедии

Здружението на новинарите на Македонија (ЗНМ) издаде важни упатства за политичарите како да комуницираат со медиумите и новинарите во време на трагични настани. Препораките имаат цел да промовираат одговорна и чувствителна комуникација

Уште 12 повредени од Македонија префрлени на лекување во Србија, тројца во Грција и двајца во Австрија

Уште 12 повредени во пожарот во Кочани вечерва со авион се префрлени на лекување во Белград. Четворица од нив ќе бидат хоспитализирани во Воено медицинската академија, а осум во Универзитетскиот клинички центар,

Симоновски во Аргумент плус: За настани со голем број на посетители потребно е да се извести и полицијата но и пожарната

Заменик командирот на противпожарната единица на Град Скопје, Владимир Симоновски во Аргумент плус рече дека несоодветните материјали од кои бил изграден кровот на дискотеката „Пулс“ во Кочани и тешкиот пристап на објектот
Go toTop