Студентите во блокада со најостра осуда на секое насилство: Целта на денешниот протест не е упад во ниту една институција

March 15, 2025
1 min read

Студентите во блокадата денеска порачаа дека најостро го осудуваат секој облик на насилство и дека целта на денешниот протест не е да се упадне во ниту една институција, ниту да се нападнат неистомислениците. 

Студентите посочија дека нема да дозволат нивните протести да бидат обележани со инциденти, „туку исклучиво со нашата определба и заедничка визија за подобро општество“.

„Овој протест е израз на нашата борба за правда, солидарност и иднина што заедно ја градиме. Затоа е важно сите да ги почитуваме основните принципи кои не водат од самиот почеток. Најостро ја осудуваме секоја форма на насилство! Од првиот ден се бориме против репресијата и неправдата, кои очигледно се спроведуваа преку овој систем. Не сакаме ничии постапки да го загрозат она што го постигнавме досега. Три месеци ја градевме оваа борба со солидарност, љубов, дарежливост и труд. Да не го доведуваме во прашање со непромислени потези“, порачаа студентите во блокадата во објава на Твитер.

Тие истакнаа дека нивната сила е „во идеите, заедништвото и истрајноста“.

„Не сакаме да дозволиме ниту еден чин да го одвлече вниманието од суштината на нашата борба и да го доведе во прашање сето она за кое се залагаме. Ова движење не смее да се злоупотребува“, нагласија студентите.

Тие додадоа дека мора да останат достоинствени „и да покажат дека сме одговорни, дека ја разбираме тежината на моментот и дека сме свесни за последиците од нашите постапки“.

„Исто така, ние сме апсолутно против секаков вид вандализам. Не сакаме по нас да ги ставаме работниците во тешка положба да чистат и поправаат. Нашата борба не е борба за уништување, туку борба за создавање. Нема да дозволиме нашите протести да бидат обележани со инциденти, туку исклучиво со нашата одлучност и заедничка визија за подобро општество. Затоа ве покануваме сите – да бидеме единствени, да бидеме одговорни“, порачаа студентите.

 

Тие ги повикаа сите да се водат од разумот, емпатијата и заедништвото.

„Се бориме за промени кои ќе донесат подобро утре, но можеме да ги постигнеме само ако се држиме до нашите принципи и ако покажеме сила на достоинство и солидарност. Да чекориме заедно, гласно и одлучно, но мирно и одговорно. Ова е нашата борба, ова е нашата иднина и заедно ја градиме“, порачаа студентите во блокадата.

За денеска во 16 часот е закажан голем протест на студенти, земјоделци, граѓани пред Народното собрание во Белград.

Извор: 24vesti.mk

MARKETING

MARKETING

Претходно

Спасени се лицата чијшто чамец се преврте во Мавровско Езеро

Следно

Спасени двете лица од Мавровско езеро

Latest from Blog

ОЈО: Градоначалникот на Кочани дал исказ, се утврдува неговата улога во постапката 

Од ОЈО информираат дека извршен е распит на градоначалникот кој даде определени појаснувања и сознанија. Таквиот исказ се споредува со доказниот материјал и надлежностите на општината, по што ќе биде донесена одлука

Kрис Павловски донираше еден милион денари за настраданите

Канаѓанецот со македонско потекло, Kрис Павловски, основач и извршен директор на „Рамбл“ и член на Управниот одбор на Македонија2025, објави на социјалните мрежи дека донирал еден милион денари за настраданите во трагедијата

Повредата на Никола Јокиќ е посериозна?

Најдобриот кошаркар во НБА лигата Никола Јокиќ има проблеми со повреда и неизвесно е дали ќе игра на натпреварот против Голден Стејт, објави неговиот тим Денвер. Нагетс го означија Јокиќ како „неизвесен“.

Премиерот Мицкоски ќе ги посети повредените во ГОБ „8 Септември“ Скопје

Утре 18.03.2025 година (вторник) претседателот на Владата на Република, Христијан Мицкоски ќе ги посети повредените од трагичниот пожар во Општина Кочани во ГОБ „8 Септември“ Скопје. Во 11:00 часот изјава за медиуми
afsqamarhyazeubebnbsbgcacebnyzh-CNzh-TWcohrcsdanleneoettlfifrfyglkadeelguhthahawiwhihmnhuisigidgaitjajwknkkkmkokukylolalvltlbmkmgmsmlmtmimrmnmynenopsfaplptparorusmgdsrstsnsdsiskslsoessuswsvtgtatethtrukuruzvicyxhyiyozu
Go toTop