ГЛАСОТ НА ПЛАСИДО ДОМИНГО ГО ВНЕСЕ СКОПЈЕ ВО ДРУГА ДИМЕНЗИЈА, ПЕЕШЕ ДВА И ПОЛ ЧАСА

March 15, 2025
1 min read

Скопје влезе во друга димензија со гласот на оперската ѕвезда Пласидо Доминго на синоќешниот концерт во арената „Борис Трајковски“ во Скопје. 84-годишниот тенор и диригент, заедно со сопранот Марија Жозе Сири (Уругвај/Италија) и Оркестарот на Националната опера и балет (НОБ) под диригенство на Марчело Рота, одржаа дваиполчасовен концерт со кој ја оставија публиката без зборови.

84-годишниот Доминго, со форма, стас и глас како да е во цутот на младоста, пленеше со моќта на гласот, со мелодијата на италијанските и германските арии, со љубовта и болката на шпанските песни. Жозе Сири, која првпат настапува со Доминго му беше одлична партнерка на сцената, а исто така воодушеви и Оркестарот на НОБ под диригенство на Рота.

Сведочевме на жива легенда која со самото тоа што дојде во Скопје во 50-годишната кариера со сите светски сцени, нѐ почасти и нè стави во категорија на нормални држави, со прекрасен концерт, волшебна музика, весели лица.

Неговиот репертоар вклучува повеќе од 150 улоги, со над 4.400 настапи. ( Фото: Ѓ. Личовски)

„Како во некоја повисока класа да нѐ стави“,„Нѐ извади од дупка“, „Извади од нас нешто благородничко“, „Вака треба да изгледа градов“, „Грмеше салата“, се само дел од впечатоците по концертот, иако се одржа во спортска сала на пластични столчиња. Сепак, некои гледачи не ги дочекаа бисовите, па Доминго пееше, а тие брзаа да одат накај влезовите.

Одличната оперска певица Марија Жозе Сири ја воодушеви публиката. (Фото: Ѓ. Личовски)

Коцеротот го организираа „Прагма продукција“ и Националната опера и балет.

Б. НЕСТОРОСКА

ИЗВОР: sdk.mk

MARKETING

MARKETING

Претходно

Христов : Да ги храниме економиите, а не депониите – Високите цени ја зголемија потребата од донации за храна

Следно

АХВ со акција низ магацините и ладилници за храна, одземени 50 килограми месо

Latest from Blog

Саем за образование „Студентарија“ – над 12 универзитети и 90 факултети претставени на младите

Иницијативата „Студентарија“ го организираше Саемот за образование, со цел да ги поврзе младите со универзитетите и да се запознаат со понудените насоки. Организаторот Ѓоше Николов рече дека учествуваат над 12 универзитети со

Вицепремиерот Иван Стоиљковиќ: „Напумпамо ве на избори! Да не сакате и неко дуго пумпање?“

Иван Стоиљковиќ, Заменик претседател на Владата на Северна Македонија и министер за односи меѓу заедниците и претседател на Демократската партија на Србите во Македонија, во објава на социјалните мрежи напиша: „Напумпамо ве
Go toTop