Во Собранието закажана седница на Комисијата за социјална политика, демографија и млади

March 14, 2025
1 min read

Во Собранието денеска ќе има уште еден обид за одблокирање на работата на Комисијата за социјална политика, демографија и млади и Законодавно-правната комисија, на чиј дневен ред има само една точка – Предлог на законот за изменување и дополнување на Законот за пензиското и инвалидското осигурување, по скратена постапка.

Завчера работата на оваа Комисија остана блокирана, иако претседателот на Собранието Африм Гаши за претседавач ја назначи пратеничката од владејачката коалиција „Вреди“ Имрлије Сали Фетаи откако во понеделникот пратеникот Бејџан Иљас одби да ја извршува оваа функција. 

Во средата ниту на Фетаи не ѝ успеа да го стави на гласање дневниот ред на седницата откако пратеничката Јована Тренчевска од СДСМ побара дополнување на дневниот ред со Законот за бранителите. По ова, Фетаи ја затвори седницата на неопределено време. 

Фетаи ѝ одговори на Тренчевска дека претседателот Гаши ја назначил да претседава со Комисијата само за Законот за пензиско и инвалидско осигурување.

Пратеникот на „Европски фронт“, Елми Азири во изјава за медиумите истакна дека сите рокови се поминати за Законот за бранители уште кога со Комисијата за социјална политика претседаваше пратеничката Илире Даути од Алијансата за Албанците на Зијадин Села која е дел од „Европскиот фронт“.

Проблемот во Комисијата за социјална политика почна во ноември минатата година откако пратеничката од Алијансата за Албанците, Илире Даути одби да го стави на дневен ред Предлог-законот за бранители доколку не се стави законско решение и за припадниците на УЧК. Собранието на пленарна седница на 10 јануари со поддршка од 61 пратеник и 22 „против“ изгласа интерпелација на претседателката на собраниската Комисија за труд, социјална политика и млади Илире Даути. Интерпелацијата за Даути во ноември ја поднесе пратеничката група на „Левица“ поради тоа што Даути, како што беше посочено на пленарната седница, со нејзиното „несовесно, неодговорно, противуставно и противзаконско однесување“ го кочела Законот за бранители поднесен од опозициската СДСМ со тоа што не го ставила на дневен ред на Комисијата со која претседава. Една недела подоцна Даути поднесе оставка од претседателската позиција во Комисија. 

Во Собранието денеска е закажана и седница на Законодавно-правната комисија, на чиј дневен ред е Предлог на закон за изменување на Законот за доброволно капитално финансирано пензиско осигурување во прво читање.

Извор: 24vesti.mk

MARKETING

MARKETING

Претходно

Полна месечина на небото над Истанбул

Следно

Бин Салман и Путин: Важно е наскоро да се постигне договор за примирје во Украина

Latest from Blog

Лидерот на Либералната партија, Марк Карни, положи заклетва како 24-ти премиер на Канада

ХАМИЛТОН (АА) – Новоизбраниот лидер на Либералната партија, Марк Карни, денес положи заклетва како 24-ти премиер на Канада во „Ридо хол“ во главниот град Отава, јавува Анадолу. „Ние сме многу фокусирана Влада,

Мицкоски во Општина Студеничани: Поставување на камен темелник на реконструкција на локален пат

Од Влада на Република Македонија информираат дека утре 15.03.2025 година (сабота) претседателот на Владата на Република Македонија Христијан Мицкоски во рамки на кампањата „Каде што срцето е дома“ во организација на Министерството

Судот ја прифати жалбата на ОЈО ГОКК и Асмир Јахоски Пуцко Петрол е спроведен во притвор

Асмир Јахоски попладнево е спроведен во притвор откако претходно судот ја прифати жалбата од ОЈО ГОКК. Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење
Go toTop