Поранешната економска директорка на Клиниката за токсикологија, Бесија Иљази, призна дека ја злуопотребила службената положба и овластување и доби условна казна.
Од Основното јавно обвинителство за Телевизија 24 ја потврдуваат условната казна за Иљази и велат дека доколку таа ја прекрши, казната може да премине во затвроска.
ОЈО: Определена е условна казна со заштитен надзор по признавање на вина. Доколку обвинетата не се придржува до одредбите на судот казната може да премине во затворска. Дополнително, од Клиниката за токсикологија од неа ќе бараат и надоместок на штета кој ќе се утврди преку судска постапка.
Инаку Иљази е обвинета за злоупотреба на службена положба. Таа во мај 2024 година склучувала договори за дело со лица за нивно работно ангажирање на Клиниката, и издавала платни налози со кои им исплаќала месечен надомест за нивен претходен наводен работен ангажман. На списокот додавала и лица со кои воопшто не бил склучен договор за дело и на кои исто така им се исплаќал надомест за наводно извршени работи.
Менаџирањето на Иљази предизвика бурни реакции во јавноста. Иако таа одбиваше да се повлече сепак на крај Министерот за здравство Арбен Таравари ја разреши од фукцијата.
Извор: 24vesti.mk
