Поранешната претседателка на Антикорупциската комисија, Билјана Ивановска во Аргумент плус рече дека за изградба на катните гаражи на Клинички потребно е да се даде проценка од страна на стручни лица. Според неа главниот проблем е тоа што во Скопје има и други нерешени прашања кои привлекуваат и други кризи.
„Не слушнавме дека оваа активност е смислена и не даде никој проценка дали е добра или не. Мислам на стручни лица од животна средина, активисти и дали е оправдана катна гаража на таков простор. Пред тоа треба да слушнеме од Владата што планира, дали планира нов клинички или ќе прави дисперзирани клинки, постојат повеќе можности, но ова решение сметам дека ај што создаде незадоволство мислам дека не беше до крај издражано, кај болни да ставате еколошка бомба тоа за мене е смрт“, рече Ивановска.
Според неа, во Скопје има многу нерешени прашања кои со себе носат дополнителни проблеми.
„Нашиот проблем е таков затоа што има нерешени проблем од страна, тоа што нема клиники во другите градови и се носат пациенти од другите градови во Скопје, друго клиниката е далеку од железничката станица и автобуската станица, од друга страна прашањето е дали имаме добар превоз во градот, дали секој доктор или вработен во Клиниките би имал потреба да оди со кола на работа. Ова е проблем што тежи“, додаде Ивановска.
Таа објасни и дека тоа што на тендерот имало пријавено само една фирма може да значи дека се барале услови кои други фирми не би можеле да ги исполнат.
Извор: 24vesti.mk
