Откако романската изборна комисија ја забрани претседателската кандидатура на десничарскиот политичар Калин Георгеску, на улиците на Букурешт беа организирани масовни демонстрации, кои брзо се претворија во хаос.
Откако ја дознале одлуката на изборната комисија, приврзаниците на Георгеску се собрале пред седиштето на комисијата и ги урнале оградите, по што следеле судири со полицијата. Полицијата употребила солзавец, имало повредени полицајци и демонстрантите. Се огласи и Георгеску кој кажа дека Романија е под тиранија.
– Ова е директен удар врз срцето на демократијата ширум светот. Имам само една порака за левичарите. Ако демократијата во Романија падне, целата демократија во светот ќе пропадне. Ова е само почеток. Тоа е едноставно. Европа сега е под диктатура. Романија е под тиранија.
Централната изборна комисија доби повеќе од 1.000 приговори за неговата кандидатура, главно поради неговите антидемократски и екстремистички ставови. Оваа одлука за забрана се уште може да се оспори пред Уставниот суд. Откако Георгеску неочекувано победи во првиот круг од минатогодишните претседателски избори, највисокиот суд ги поништи резултатите од гласањето, наведувајќи ги сомнежите за руско мешање во неговата кампања.
Самиот Георгеску беше повикан на распит во обвинителството, а против него се води кривична истрага по шест точки, вклучително и членство во фашистичка организација и пренесување лажни информации за финансирање на кампањата.
Извор: 24vesti.mk
