Кањонот Хорма и водопадот Илиџа ги пречекуваат посетителите со својот снежен пејзаж

Кањонот Хорма, кој бил формиран од потокот Зари, конечно е прооден пешки од едниот до другиот крај, благодарение на дрвената платформа долга 3 километри, монтирана на карпите, пишува Анадолу.

Користејќи ја дрвената платформа посетителите минуваат високо меѓу џиновските карпи и имаат можност да ги видат сите убавини на кањонот на ова возбудливо патување.

Пречекувајќи ги посетителите со нијанси на зелена во пролет и жолта и црвена наесен, кањонот привлекува гости и во зима благодарение на импресивниот пејзаж што го нуди кога е покриен во бело по снежните врнежи.

По минувањето на кањонот долг приближно 3,5 километри, вниманието на посетителите го привлекува и природно формираниот базен од водата што паѓа од водопадот Илиџа од височина од 10 метри.

Дрвјата околу водопадот нудат поинаква глетка кога се покриени со снег.

Градоначалникот Серкан Ари за АА зборуваше за убавината што кањонот и водопадот ги нудат во секоја доба од годината.

Тој изјави дека областа Пинарбаши е срце на Националниот парк „Планини Ќуре“ и им овозможува големо задоволство на љубителите на природата што ќе го посетат подрачјето благодарение на природните убавини, кањони и водопади.

„Кањонот Хорма привлекува големо внимание кај посетителите со дрвениот пат изграден во него, уникатниот водопад на крајот на кањонот и уникатната клима и вегетација“, изјави Ари.

– „Место што секој човек би требало да го види“

Нагласувајќи дека бројот на туристи што го посетуваат регионот се зголемува секоја година, Ари вели:

„Оваа година бевме домаќини на приближно 250.000 официјални посетители. Мислиме дека неофицијално бројката е над 300.000. Оваа бројка ќе се зголеми. Во кањонот Вала се наоѓа Терасата со спирални скалила и највисоката карпа со стаклен под во Туркије, исто така, во кањонот Вала. Нашиот регион Пинарбаши е прекрасен за посета во сите четири годишни времиња. Може да го посетите напролет, налето, во есен и зима. Има лесен пристап и мала е оддалеченоста од Анкара.“

Поканувајќи ги љубителите на природата да ја посетат областа, Ари рече:

„Ги чекаме сите љубители на природата, вљубениците во природата, да дојдат во Пинарбаши, срцето на планините Ќуре. Тоа е место што секој човек треба да го види.“

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.