ИСТАНБУЛ (АА) – Бројката на загинати лица од последиците на разорните земјотреси што ги потресоа јужните делови на Туркије на 6 февруари со епицентар во областа Кахраманмараш се зголеми на 44.218, известува Анадолу.
Турската Агенција за управување со катастрофи и вонредни состојби (АФАД) објави дека од 6 февруари досега се регистрирани 9.136 земјотреси на југот од Туркије, односно последователни потреси по првите два разорни земјотреси со интензитет од 7,7 и 7,6 степени по Рихтер.
Потресите беа почувствувани и во соседните земји, вклучувајќи ги и Сирија, Либан и Египет.
Надлежните тимови поставија околу 335.400 шатори што во зоната на потресите ги испратија министерствата и надлежните институции, како и странски земји и меѓународни организации.
Повеќе од 11.400 лица од локален и меѓународен персонал за пребарување и спасување уште работат на терен.
Четири мобилни центри за социјална помош се ангажирани со цел психолошка поддршка во врска со катастрофата во Кахраманмараш, Хатај, Османије и Малатија.
Близу 912.000 луѓе добија психолошка поддршка, од кои околу 615.00 во погоденото подрачје и 297.000 надвор од погоденото подрачје.
Извор: www.aa.com.tr
