Украинскиот претседател Володимир Зеленски е во Вашингтон за да разговара со Трамп за последните детали од договорот за минерали меѓу Украина и САД. Со овој договор Киев работи на враќање на американската поддршка за борба против руската инвазија.
Овој договор за кој беше преговарано во последните денови ќе го отвори огромното минерално богатство на Украина за САД, но не ги вклучува американските безбедносни гаранции, што е разочарување за Украина. Договорот му дава право на Вашингтон да надомести дел од милијардите долари трошоци за американското вооружување доставено до Киев преку инвестициски фонд за реконструкција поврзан со продажбата на минералите со ретки земји во Украина.
Сепак Трамп пред средбата упати порака или наскоро ќе има мировен договор или воопшто ќе го нема. Тој на средбата со британскиот премиер Стармер, оцени дека постигнувањето договор ќе биде потешката, а одржувањето на мирот полесна фаза. Во овалната соба Трамп беше запрашан да ја искоментира неговата изјава кога лично тој Зеленски го нараче диктатор на што претседателот на САД одговори:
– Сум го кажал тоа? Не можам да верувам дека го кажав тоа. Следно прашање? Мислам дека Путин ќе си го одржи зборот. Зборував со него. Го познавам веќе долго време. . не верувам дека ќе си го прекрши зборот. Кога ќе склучиме договор, мислам дека договорот ќе се одржи. – Доналд Трамп претседател на САД.
Украина пак се надева дека договорот ќе го поттикне Трамп да ги поддржи напорите на Киев да ја врати територијата заземена од Русија. А кога британскиот премиер кажа дека би испратиле мировни трупи во украина кои би го одржувале евентуалниот прекин на огнот, претседателот на сад одби да се обврзе дали би распоредил американски војници како поддршка на европските мировни сили. Вети дека ќе одговори во случај на агресија врз НАТО членка, иако смета дека нема да има потреба од тоа.
– Ако им треба помош, јас секогаш ќе бидам со Британците, во ред? Јас секогаш ќе бидам со нив. Но, не им треба помош. – Доналд Трамп претседател на САД.
Портпаролот на Европската комисија Ел Ануни денеска со порака дека ЕУ не отстапува од ставот „ништо за Украина без Украина и ништо за украинската безбедност без ЕУ“, затоа што „безбедноста на Украина е и безбедност на ЕУ“. Додека Русија кажа дека сака да води дијалог не само со САД, туку и со сите земји врз основа на взаемно почитување и взаемна корист. И дека го чекаат исходот од средбата со Зеленски за коментар.
Извор: 24vesti.mk
