Ракометната федерација на Македонија денес ја исплати наградата во износ од три милиони денари на машката сениорска репрезентација за настапот на Светското првенство 2025.
Македонската репрезентација настапи во Вараждин, Хрватска и се пласираше од прелиминарната во главната фаза од натпреварувањето.
Во првиот сегмент од Мундијалот, Македонија ремизира со Унгарија, загуби од Холандија и ја победи Гвинеја. И во Главната групна фаза забележа победа (Катар), реми (Австрија) и пораз (Франција).
Ракометарите го задржаа континуитетот на настапи на големите натпреварувања, обезбедувајќи учество на деветти последователен ракометен Мундијал.
Извор: kurir.mk
