Потпретседателот на Сојузот на стопански комори, Горан Ѓорѓиевски во 24 анализа рече дека не требаше да има стигматизација на маркетите бидејќи кога ќе се заврши забраната повторно ќе треба да се разгледуваат цените. Според него, намалувањето на цените може да се направи со таргетирање на социјално загрозените луѓе и со одредување на тоа кои производи се суштински потребни.
„Требаше да се таргетираат социјално загрозените луѓе и да се види на кој му треба финансии и паралелно да се одрдени согласно ЕУ онаа потрошувачка кошница и суштинските производи кои се потребни за луѓето. Ние не можеме да креираме ситуација сите да јадат исто и да се вратиме со советско време и да се замрзант цените, така тоа оди до пропаст. Дел од тие производи кои се суштински треба да се со соодветна цена. Тоа беше така и во Ковод кризата“, рече Ѓорѓиевски.
Тој зборуваше и за Законот за нефер трговски практики кој според него е добра алатка за контролирање.
„Со овој Закон има јасни одрдби како да се функционира и тој е добар за да видиме кој колку зема од профитниот колач. Ако државата вели дека е направен соодветна анализа и ако се откриени некои работи мора да се потпреме на тие информации и да им веруваме. Ние сме добри за Закони и да ги имаме како хартија ама за спровдување сме лоши. Никаде не се спроведуваат како што ќе се направи стратегијата. Стратегиски да се работи за да се дојде до целта. Ад хок решеиија нема, треба да се осмисли и во подолг процес да се одреди како ќе се функционира“, додаде Ѓорѓиевски.
Извор: 24vesti.mk
