Утре во Собранието ќе се разгледува измена на Законот за вршење сметководствени работи, со која дисциплински казнетите сметководители ќе добијат привремена можност да ги потпишат годишните сметки и финансиските извештаи за 2024 година.
Околу 3.300 сметководители се привремено избришани од регистрите поради непосетување на задолжителната обука. Според предлог-законот, тие ќе мора да ја завршат обуката до крајот на 2026 година.
Сметководителите неодамна протестираа пред Министерството за финансии, барајќи решение за нивниот статус и ограничување на ингеренциите на Институтот на сметководители (ИСОС). Министерката за финансии Гордана Димитриеска-Кочоска најави дека измените веќе се во собраниска процедура и дека сметководителите ќе можат да ги потпишат сметките за оваа година, но ќе мора да ја завршат обуката. Таа исто така најави проверка на работењето на ИСОС и можни мерки доколку се утврдат злоупотреби.
ИЗВОР: ТВ 21
