ЕУ: Иранските власти веднаш да престанат со изрекувањето и извршувањето на смртните казни

January 9, 2023
1 min read

Генералниот секретар на Европската служба за надворешни работи, Стефано Санино во име на високиот претставник на ЕУ за надворешни работи, го повика денеска иранскиот амбасадор во ЕУ, Хосеин Дегани да му го повтори силното незадоволство на Брисел поради егзекуцијата на 7 јануари на Мохамад Мехди Карами и Сејед Мохамад Хосеини.

Санино го пренесе апелот на Унијата до иранските власти веднаш да престанат со практиката на изрекување и извршување на смртни казни за демонстрантите, веднаш да ги поништат неодамнешните смртни казни веќе изречени во контекст на тековните протести и да обезбедат правилен процес за сите затвореници, соопштено е од Европската служба за надворешни работи.

– ЕУ цврсто и принципиелно се противи на примената на смртната казна во секое време и под сите околности, рече Санино и нагласи дека прашањата за човековите права се во сржта на внатрешните и надворешните односи на ЕУ и дека ЕУ и нејзините земји – членки остануваат обединети во нивниот одговор на акциите на Иран.

Мохамед Мехди Карами и Сејед Мохамад Хосеини се уапсени и осудени на смрт за убиство на припадници на безбедносните сили за време на протестите во Иран, соопшти претходно иранското правосудство.

Активистите за човекови права претходно соопштија дека најмалку 10 лица во Иран биле осудени на смрт на сослушувања зад затворени врати поради нивната вмешаност во протестите.

Според активистите за човекови права, најмалку 516 демонстранти се убиени, а повеќе од 19.000 луѓе се уапсени за време на протестите во Иран кои започнаа на 16 септември, кога курдската девојка Махса Амини почина под неразјаснети околности во притвор откако беше приведена од полицијата поради непрописно носење хиџаб.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Хакерите објавија над илјада банкарски сметки на албански правни и физички лица

Следно

Медиум од Албанија објавува: Високи македонски функционери и припадници од МВР вмешани во шверц со наркотоци!

Latest from Blog

Eвропски „котел“ е БАЛКАНОТ, рече британскиот премиер по санкциите за бандите од КОСОВО И ХРВАТСКА

Британскиот премиер Кир Стармер го опиша Западен Балкан како европски „котел“, отворајќи го денеска самитот во Лондон, кој е главно фокусиран на решавање на предизвикот со миграцијата, објави Радио Слободна Европа (РСЕ).

Голема полициска акција во БиХ- уапсен е синот на моќен трговец со оружје

Томислав Зубак е уапсен поради сомнителна продажба на средства на компанијата „Витезит“, потврдено е и за сараевската Н1, а се очекува апсење на уште неколку осомничени во оваа операција, пренесе Телеграф. Во
Go toTop