Кетлин ван Бремпт во интервју за ТВ21 во Брисел, зборуваше за теговските односи помеѓу ЕУ, САД и Кина, кои се нарушени особено по воведувањето на такси од страна на Доналд Трамп.
Бремпт во интервјуто кажа дека поради големото производство на челик од страна на Кина, ќе има намалени цени во Европа, а дека тарифите кои ги вовела САД, ќе бидат штета и на самите нив.
„Имаме многу проблеми со кинеските производи. Инаку високите тарифи на челик и алуминиум ѝ штетат на економијата на САД и на нивните потрошувачи, но и на европските потрошувачи и нашата економија. Но згора на сѐ, во Кина има преголемо производство на челик. Кина произведува премногу, па тој челик ќе ги намали цените на нашиот пазар. Не само што нема да можеме да го извеземе нашиот челик во САД поради високите тарифи, туку и кинескиот челик ќе ги намали цените на нашиот пазар. Компаниите за челик нема да можат да преживеат поради ниските цени. Мораме да се заштитиме. Да се навратам на нерационалноста на Трамп. Тоа ќе ѝ наштети и на економијата на САД. Зашто сѐ е поврзано. Американските работни места зависат од партнерството со ЕУ. 3/4 од алуминиумот што е потребен во САД за производство на прозорци, автомобили и многу други работи го снабдуваат од увоз. Не го произведуваат сами. Ќе пораснат цените на алуминиумот и на челикот, а со тоа и на автомобилите, на градежниот материјал итн. Веројатно со помош на овие закани сака да се спогоди за други работи“, вели Бремпт.
ИЗВОР: ТВ 21
