Политичкиот аналитичар Ибрахим Мехмети, во Аргумент плус рече дека етничките прашања во Македонија не се проект туку емоционални прашања за сите граѓани.
Според него, идеите за промена на државен грб се дефокусирање од случувањата во светот.
„Етничките прашања се живот. Меѓуетничките односи сакаат грижа, да се грижиме како да се однесуваме и како да ги решаваме проблемите. Мислам дека не е добра идеја и очигледно работите не одат во правец да се постигне нешто а ова да се стави на страна. Имаме етнички прашања а процесот за влез во ЕУ е закочен“, изјави Мехмети.
Тој објасни дека се отвораат и нови етнички прашања со кои може да се зголемат тензиите.
„Гледаме дека се отвараат нови етнички прашања и сега мислат дека со ова ќе ги балансираат страстите на своите поддржувачи. Проблемот е што имаме дефокусирање посебно во време кога се случуваат многу работи во светот. Поважно од се друго е да се биде искрен и во дијалогот и дебатата и политичарите да седнат и да речат што сакаме да направиме од државава, дали сакаме да биде модерна, дали сакаме да правиме модел или држава со нови симболи. Јас се сложувам дека треба да има промени, но дали тие промени ќе ги приближат луѓето или ќе отворат нови тензии и затоа многу е важно како ќе се настаппува. Пред да се отвори оваа тема требаше Владата да има барем минимални контури за тоа како ќе изгледа решението, да се договори и со опозицијата бидејќи ова прашање е важно секој граѓанин и затоа е битно донекаде сите да се задоволни“, рече Мехмети.
Извор: 24vesti.mk
