Ретките земни минерали – група од 17 метални елементи кои, и покрај своето име, не се толку ретки се од големо значење за американските креатори на политики, бидејќи се основа за технологија што се користи во наведувани ракети, ветерни турбини и други стратешки системи.
Сепак, Кина има доминантна контрола врз глобалните синџири на снабдување, што ја прави зависноста од овие ресурси стратешка ранливост што Вашингтон со години се обидува да ја надмине. Разговорите за нивната експлоатација напредуваат особено после посетата на американскиот секретар за финансии Скот Бесент на Киев, како првиот функционер од кабинетот на Трамп што ја посети Украина. Сепак пишува Форен полиси, дури и ако Киев и Вашингтон постигнат договор, пред нив стојат големи предизвици.
Иако Украина поседува значителни резерви на ретки земни минерали, како и ресурси како ураниум и титан, таа во моментов не произведува ретки земни елементи, ниту пак ги произведувала во последните неколку децении. Тинк-тенкот We Build Ukraine, проценува дека руската окупација ги направила 40% од металните минерални богатства на Украина недостапни.
„Трамп можеби ќе има подобри односи со Русија, но не може да се развие рудник од нула и да се извлечат ресурси за три или четири години,“. Во глобални рамки, во просек се потребни 15 години за развој на рудник. „Тоа е проект што трае со децении.“ – “Foreign Policy”.
Дел од експертите мислат и дека ова е паметен потег на Зеленски за да ја добие подршка од новата администрација, но, на крајот, сè се сведува на развојот на овие наоѓалишта и нивно ставање во функција, што би можело да потрае со години.
Извор: 24vesti.mk
