Обвинителството на кантонот Тузла соопшти дека смртта на Инела Селимовиќ (37) и нејзиниот 13-годишен син најверојатно настанала со задушување, а наредена е обдукција за да се утврди точната причина за смртта.
За убиството е осомничен сопругот на Инела и татко на убиеното момче, Емир Селимовиќ (38), кој се бара на ниво на БиХ.
Во соопштението на Обвинителството на кантонот Тузла се наведува дека обвинителот и истражителите од Секторот за криминалистичка полиција на Полициската управа на кантонот Тузла синоќа извршиле увид во семеен стан во Калесија, каде во вечерните часови биле пронајдени две безживотни тела.
Сопругата и синот најверојатно се убиени со давење. Ќе биде извршена обдукција за да се утврдат точните причини за смртта.
„Во тек се сите потребни истражни дејствија, кои по наредба на обвинителот ги спроведуваат истражители од Одделот за криминалистички истраги и Одделот за криминалистичка полиција при Полициската станица Калесија, со цел утврдување на сите околности поврзани со двојното убиство“, се вели во соопштението.
Извор: kurir.mk
