Оперативниот директор на Сојузот на здруженија на дијабетичари на Македонија и пациент со Т1 дијабетес, Мартин Николов во 24 анализа рече дека сам обезбедува сензор за мерење на нивото на шеќер во крвта и тоа го кошта околу 110 ева месечно. Според него покрај сензорите важно е да се има и квалитетни глукомери.
„Јас сам си купувам сензор тоа е од 45 до 55 евра за 14 дена или 110 евра месечно. Сензорите ги набавуваме од странство. Со сензорите имаме преглед целосен. Предноста кај мене е што имам инсулинска пумпа, пумпата работи континуиирано и кај мене боцкањето е еднаш на 3 – 4 дена. Потребно е да се најде начин да се донесе најсовремена терапија но и сензори за сите пациенти со Т1 и Т2 со компликации“, изјави Николов.
Тој рече и дека потребни се квалитетни глукомери и ленти со цел пациентите да имаат поквалитетен начин на живот.
„Ние се бориме и за квалитетна терапија и сензори бидејќи претходните глукометри ги добивме во зипер кесички без декларација и реално не знаеме од каде дошле. Важен е и квалитетот на лентите бидејќи кај нас некои ленти се поскапи за разлика од цените во регионот, мора да се стави некаква контрола“, рече Николов.
Извор: 24vesti.mk
