Адвокатот Валентин Зафиров, во Отворено рече дека тој е секогаш за промена на носителите на главните функции во правосудството. Според него за обезбедување на независен обвинител потребно е да се отвори Уставот и да се променат законите.
„Правосудството не чини веќе 30 год и се полошо и полошо е. Ако е искрена намерната да се гради независно судство тогаш во ред, но тешко. Тоа ние го имавме и со промената на претходната власт, се мачеја со месеци да го разрешат претходниот обвинител, дали и ова ќе биде така ќе видиме. Сите промени се носат за да донесат нови нивни луѓе. Кога ќе дојдат на власт сакаат да го стават во скут правосудството и тоа го прават 30 години“, рече Зафиров.
Тој објасни дека е потребен нов модел кој ќе помогне да се обезбеди независен државен јавен обвинител но, како што кажа тој потребни се големи промени.
„Со менување на сите закони и отварање на Уставот може да се отвори простор за воведување на нов модел и само така може да се обезбеди независен обвинител без политичка позадина. Сепак браната на криминалот и човековите права е судот, судот падна во 2007 и отткогаш веќе немаме никкава брана. Со овој систем немаме шанса да излеземе од оваа дупка“, изјави Зафиров и додаде дека судствфото функционира само за малите предмети и тогаш се применуваат законите, додека пак за поголемите во кои има корупција законите не функционираат.
Извор: 24vesti.mk
