Увид во распоредот и содржината на часовите на учениците, во редовноста на настава–оправдани и неоправдани изостаноци, зададените домашни задачи, добиените оценки и издадените свидетелства, преку мобилна апликација родителите ќе можат во секој момент да го следат образовниот напредок на нивните деца, информираше денес на прес, министерката Јаневска.
Министерката посочи дека сите податоци кои се внесуваат во електронскиот дневник, се архивираат и корисникот на апликацијата има увид во податоци од тековната, но и од било која учебна година наназад. Што се однесува пак за употребата на мобилен додека трае наставата, Јаневска кажа дека наставникот ќе одлучи дали да се користат телефони за време на часот, додека за целосна забрана одлучуваат општините.
Засега единствено општините Аеродром и Центар донесоа препораки да се забрани користење на мобилните телефони од почеток до крај на наставата, со цел подобрување на образовниот процес. Инаку, на денешната прес конференција Јаневска повторно повика вработените во училиштата да ги користат исклучиво службените мејлови, а со цел поголема заштита од хибридни закани, какви што имаше минатиот петок.
Извор: 24vesti.mk
