Откако победи на изборите и освои 10 проценти помалку од од пред четири години, Курти сепак најавува дека и по трет пат ќе биде премиер на Косово. Тој во своето обраќање ноќеска најави дека државниот буџет ќе стане поголем од бруто домашниот производ, но не испушти да упати и навредливи пораки до опозиционерите.
– Рекоа дека државниот буџет ќе стане поголем од бруто домаѓниот производ. Какви животни. Ветуваа и коефициент поголем од нивната програма. Какви животни! Но, времето на животните заврши! – Албин Курти, премиер на Косово.
Според резултатите Самоопределување на Курти е во кусок од 15-ина мандати за да стигне до неопходните 61 пратеник. Двете опозициски партии Демократската партија и Демократската лига на Косово би имале вкупно 45, пред Алијансата на Харадинај со 9 мандати, сепак останува неизвесно дали некој од нив ќе му ги помати сметките на Курти.
– Мнозинството граѓани и го свртеа грбот на оваа влада. Резултатот покажува дека тие бараат нова влада, поинаква влада. – Блеранд Ставилеци, портпарол на Демократската партија на Косово.
Аналитичарите прогнозираат дека Курти сега ќе се обиде да состави влада со 10-те пратеници на малцинствата и со уште неколкумина пратеници. Сепак додека Курти славеќе победа во Приштина, Србите славеа во Северна Митровица, откако ги освоија максималните 10 мандати во Парламентот. Курти доби честитки од многу политичари. Меѓу кои и од Македонија, посебно од партијата Вреди. Од таму сметаат дека На Косово му е потребен Курти да продолжи уште четири години со владеење.
Ова беа деветти парламентарни избори, но први редовни од прогласувањето на независноста на Косово пред 17 години.
Извор: 24vesti.mk
