Нова серија земјотреси во близина на Санторини – најсилниот 5 степени

February 10, 2025
1 min read

Во морскиот дел меѓу островите Санторини и Аморгос синоќа беше регистрирана нова серија земјотреси над 4 степени, од кои најсилниот беше 5 степени според Рихтер, додека земјотресите продолжија и во текот на ноќта и рано утрово, меѓутоа со помал интензитет, јави дописничката на МИА од Атина.

Согласно официјалните податоци од Геодинамичкиот институт на Националната опсерваторија во Атина, во периодот од 20.41 до 22.35 часот по локално време беа регистрирани 16 земјотреси меѓу 3,1 и 5 степени, од кои половина беа над 4 степени.

Професорот по сеизмологија на Универзитетот Аристотел во Солун Костас Папазахос за грчката телевизија ЕРТ утрово објасни дека земјотресите во близина на Санторини може да траат со недели, па дури и месеци и не е нешто што ќе се промени преку ноќ.

– Без разлика дали е серија земјотреси или предземјотресна секвенца, тоа трае со недели, понекогаш дури и месеци. Не е пријатна порака, но така е. Низата ќе продолжи и тоа со оваа карактеристика, објасни сеизмологот и додаде дека во период од два-три часа може да има земјотреси од 4-5 степени, а потоа да поминат 12-16 часа, да се смири серијата, па повторно да се појават.

Во однос на тоа колку долго би можела да трае појавата, Папазахос посочи дека не можат точно да проценат, но дека е веројатно цел февруари или голем дел од месецот да помине со слична ситуација, изразувајќи надеж дека полека ќе има постепена деескалација.

Паралелно, поради земјотресите во близина на Санторини, првиот крузер за оваа година што денеска требало да пристигне на островот, ја сменил рутата и се закотвил на Крит.

Според грчките медиуми, крузерот „Viking star“ со 893 патници и 470 членови на екипажот, ја променил програмата и поради безбедноста и за да се избегне метеж на старото пристаниште и жичарницата, каде што постои опасност од лизгање на земјиштето, па наместо на Санторини пристигнал на Крит.

Хотелиерите од Санторини за грчките медиуми во изминатите денови посочија дека засега немаат откажувања на резервациите како за следниот период, така и за велигденските празници.

На туризмот и новата сезона се осврна и грчкиот премиер Кирјакос Мицотакис за време на неговата посета на островот кога рече дека имаат должност да ја заштитат, да ја зачуваат репутацијата на популарната туристичка дестинација и да бидат сигурни дека „2025 година исто така ќе биде одлична година за туризмот на Санторини“ и затоа посочи дека во јавната комуникација, треба да постои баланс меѓу потребата да се дејствува превентивно, без да се репродуцираат катастрофални сценарија, „кои потенцијално може да исплашат некои посетители“.

Училиштата на островите Санторини, Иос, Аморгос и Анафи, поради земјотресите ќе бидат затворени и оваа седмица, со одлука на Комисијата за процена на сеизмичката опасност и на Комисијата за следење на вулкански активности при Министерството за климатски кризи и цивилна заштита на Грција. (МИА)

Извор: kurir.mk

MARKETING

MARKETING

MARKETING

Претходно

ЕУ: „Не сме добиле“ известување за новите американски царини

Следно

ЗЕЛС ја прифати иницијативата на Герасимовски, малолетниците кои вандализираат да вршат општокорисна работа

Latest from Blog

Тошковски: Продолжуваме бескомпромисно против недозволената трговија со дрога

Во рамки на нашите засилени оперативни мерки за сузбивање на недозволената трговија со дрога, во изминатата недела реализирани се значајни заплени, односно над 6 килограми кокаин и само денеска над 150 килограми

Објавен вториот повик за добивање финансиски средства за инфраструктурни проекти за општините

Објавен е вториот јавен повик на кој општините може да аплицираат за добивање на финансиски средства за реализација на инфраструктурни проекти. Може да аплицираат сите општини за добивање на финансиски средства до

Во Хрватска повик за еднодневен бојкот за купување во пекарите и пекарски производи поради високите цени

Платформата „Ало, инспекторе“, која со недели организира бојкот на продавниците, сега повикува на нов бојкот во Хрватска. Откако во вторникот објавија дека ги контактирале средношколците револтирани од скапите производи во пекарите, плаформата

Ердоган: „Не може повеќе да се одложува формирањето палестинска држава со територијален интегритет“

БОГОР (АА) Претседателот на Туркије, Реџеп Таип Ердоган, на прес-конференцијата со претседателот на Индонезија, Прабово Субјанто, истакна дека создавањето палестинска држава со територијален интегритет врз основа на границите од 1967 година не
Go toTop