Согласно планот за развој на раководството на УИ Клиничка биохемија за 2025 година предвидено е воведување нови методи во оваа јавна здравствена установа, кои првпат би се примениле од оваа година.
– Од моето назначување на оваа позиција заедно со мојот тим сме интензивно посветени за унапредување на работатата на Клиничка биохемија. Нашата цел е преку воведување нови методи да се подигне степенот на здравствена заштита за граѓаните.
Во преговорите за одобрување на буџетот на нашата установа, од страна на ФЗОМ наидовме на разбирање за потребата за унапредување на терциерно ниво на услуги кои пациентите но и здравствените работници го заслужуваат и изразувам благодарност до директорот на ФЗОМ, Сашо Клековски и неговиот тим за излегувањето во пресрет на ова наше барање со што се овозможува поголем буџет за речиси 50 отсто за оваа намена со новиот буџет за 2025 година, вели д-р Николина Гроздановска, директор на УИ Клиничка биохемија.
Таа појаснува дека станува збор за воведување нови методи за изработка на специфични анализи на терциерно ниво, како и за едукативна и научноистражувачка дејност и тоа:
1. Течна хроматографија тандем мас спектрометрија: Liquid Chromatography Tandem Mass Spectrometry што претставува моќна квалитативна и квантитативна аналитичка техника со широк опсег на клинички апликации, вклучувајќи терапевтско следење на лекови, токсикологија, ендокринологија, педијатрија (за скрининг на новороденчиња), микробиологија и новото поле на протеомика.
Исто така, согласно планот предвидено е и воведување нова метода – течна хроматографија со високи перформанси: High performance liquid chromatography (HPLC).
Понатаму, согласно планот предвидено е да се воведе и LCQ Fleet Ion Trap Mass Spectrometer – системот овозможува да се анализаат примероци за рутинска анализа во општата аналитичка лабораторија, како и токсиколошки скрининг, карактеризација на природни производи и примена за идентификација на пептиди. Овој масен спектрометар со јонска замка, обезбедува максимални информации во минимално време со ниски нивоа на потрошувачка на примероци.
Ова се само дел од методите кои како новина е предвидено да се имплементираат во Клиничка биохемија, а досега не се работеле во установата, со што сега со новиот буџет на установата во соработка со ФЗОМ, ова е овозможено.
За илустрација, 106.130.000,00 е новиот буџет за 2025 одобрен од Фондот, додека во 2024 бил 69.409,872, односно зголемување за некаде околу 50 отсто.
ИЗВОР: kurir.mk
