Турскиот претседател во посета на Малезија, Индонезија и Пакистан на официјални разговори

ИСТАНБУЛ (АА) – Турскиот претседател Реџеп Таип Ердоган следната недела ќе престојува во официјална посета на Малезија, Индонезија и Пакистан, соопшти денес директорот за комуникации при турското Претседателството, Фахретин Алтун, јавува Анадолу.

Алтун преку платформата X истакна дека Ердоган патува во трите земји на покана на нивните лидери во периодот од 10 до 13 февруари.

За време на посетите, Ердоган ќе разговара за билатералните односи од сите аспекти и за заедничките чекори за унапредување на соработката преку конкретни проекти, рече Алтун.

По посетата на Малезија, Ердоган ќе копретседава со состаноците на Советот за стратешка соработка на високо ниво во Индонезија и Пакистан, истакна Алтун.

Се очекува да бидат потпишани договори во различни области за зајакнување на правната рамка на билатералните односи, а Ердоган, како што објави Алтун, ќе се сретне и со бизнис заедниците во земјите домаќини.

Тој додаде дека ќе се разговара и за регионални и глобални прашања, со посебен фокус на ситуацијата во Газа.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.