Волстрит ослабна четврти ден по ред

Сите најнови податоци покажуваат дека економијата е многу отпорна на агресивно зголемување на каматните стапки од страна на ФЕД, што значи дека инфлаторните притисоци би можеле да останат зголемени подолг период од очекувањата на пазарот

На Волстрит, индексите Dow Jones и S&P 500 паднаа четврти ден по ред, бидејќи инвеститорите не се сигурни дали американската централна банка ќе продолжи да ги зголемува каматните стапки поради зголемената инфлација. Dow Jones се лизна за 0,26 отсто, на 33 045 поени, додека S&P 500 загуби 0,16 отсто, на 3 991 поен. Индексот Nasdaq зајакна, пак, за 0,13 отсто, на 11 507 поени.

Инвеститорите се несигурни бидејќи се надеваат дека американската централна банка наскоро ќе го прекине циклусот на зголемување на каматните стапки, дека основната каматна стапка ќе остане под нивото од 5 проценти и дека циклусот на намалување на каматните стапки би можел да започне на крајот на оваа година со ублажување на инфлаторните притисоци.

Паднаа и европските берзи

Сите најнови податоци покажуваат дека економијата е многу отпорна на агресивно зголемување на каматните стапки од страна на ФЕД, што значи дека инфлаторните притисоци би можеле да останат зголемени подолг период од очекувањата на пазарот. Поради ова, се проценува дека ФЕД ќе ги зголеми каматните стапки уште најмалку два или три пати, на 5,35 отсто до јули, а цената на парите би останала на овие нивоа до следната година.

Вчера објавените записници од последниот состанок на челниците на ФЕД не сменија ништо во овие оценки. Записникот покажа дека челниците на централната банка се залагаат за натамошно зголемување на каматите, но со побавно темпо од лани, што го потенцираа во јавните настапи во последните недели.

„Јасно е дека ФЕД е решен да го продолжи циклусот на зголемувања на каматните стапки дури и кога ризикот од рецесија се зајакнува. Тоа е она што го покажа рекордот на ФЕД и тоа го притисна пазарот“,

рече Ед Моја, аналитичар во OANDA.

И на повеќето европски берзи цените на акциите вчера паднаа. Лондонскиот FTSE индекс ослабе за 0,59 отсто, на 7 930 поени, а париски CAC за 0,13 отсто, на 7 299 поени. Франкфуртски DAX зајакна, пак, за 0,01 отсто, на 15 399 поени.