Тренерот на Манчестер сити, Пеп Гвардиола се огласи по вчерашниот пораз од Арсенал.
„Граѓаните“ загубија од „Топџиите“ на гостински терен со 5:1 во 24. коло од Премиер лигата.
– Се каам само за последните 25 минути, заборавивме што требаше да направиме, што правевме 65-70 минути. Секако дека е тешко да се игра на овој стадион, против оваа екипа. По нивното рано водство, се консолидиравме и одигравме многу, многу, добро. Изедначивме, но во следната минута тие повторно поведоа. Жалам за последните 15-20 минути, инаку беше многу добар натпревар од наша страна. Тешко е да се сфати ова знаејќи го резултатот, но јас така се чувствувам. Тоа се случува цела сезона, даваме премногу, знаејќи дека не треба да се случи, но се случува. Ваквите периоди треба да ги надминеме, не смееме да ја губиме контролата, натпреварот трае 90-95 минути, изјави Гвардиола.
Манчестер сити со 41 бод од 24 натпревари се наоѓа на 4.место во Премиер лигата.
Арсенал има 50 бода од 24 кола и е втор зад лидерот Ливерпул кој има 56 бода од 23 натпревари.
Извор: kurir.mk
