ИСТАНБУЛ (AA) – Цената на биткоинот падна за 7,09 отсто денес, откако американскиот претседател Доналд Трамп потпиша извршна наредба во саботата со која воведе царини на увозот од Мексико, Канада и Кина, јавува Анадолу.
Во 08:30 часот по Гринич, биткоинот се тргуваше по цена од околу 94.250 долари, додека неговата пазарна капитализација се намали на 1,86 билиони долари.
Трансакцискиот обем на биткоинот во последните 24 часа изнесуваше околу 97,4 милијарди долари.
Минатиот месец, цената на биткоинот го достигна највисокото ниво во историјата – околу 109.000 долари, благодарение на инаугурацијата на Трамп.
Цената на етереумот исто така забележа значителен пад од 21 отсто, па сега се тргува по 2.567 долари.
Извор: Anadolu Agency (AA)
