Ѓурчевски во Аргумент плус: Потребни се повеќе полициски контроли по улиците за да немаме незгоди со смртни последици

Поранешниот началник во Министерството за внатрешни работи, Љубомир Ѓурчевски во Аргумент плус рече дека за да не ни се случуваат сообраќајни незгоди во кои животот го губат граѓаните, потребно е да има повеќе полициска контрола на улиците посебно ноќно време.

„Потребно е полициските старешини да ги земат предвид и времето и местото кога се случувале вакви незгоди и тоа претежно во текот на ноќта кога се дивее низ улиците. Често пати се случува, оние што ќе направат прекршок да не застанат на даден полициски знак и да се дадат во бегство, да се закануваат на полицајците и да не ги почитуваат. Сетоа ова се должи на многу аргументи“, изјави Ѓурчевски.

Тој појасни и дека порано, за разлика од сега имало повеќе контроли и поголема полициска присутност.