Основното јавно обвинителство Скопје поведе истрага и предложи мерка притвор за 20-годишникот кој вчера вечер со автомобил усмрти 22-годишна девојка на булеварот „Партизански одреди“ во Скопје.
Изнесувајќи детали за несреќата, од обвинителството информираат дека момчето управувало со автомобил „пежо 207“, сопственост на неговиот татко. Возел без возачка дозвола, бил под дејство на алкохол и на обележаното место за пешачки премин поминал иако на семафорот светело црвено, соопштија од ОЈО Скопје. Не наведувајќи го конкретниот временскиот период во кој се водела постапка против него, од ОЈО информираат дека против 20-годишникот обвинителството поднело предлог за определување притвор за две кривични дела – неовластено производство и пуштање во промет наркотични средства.
Во текот на постапката момчето било во притвор, а скопското обвинителство поднело обвинение со предлог за продолжување на притворот. Судот, пак, ја укинал притворската мерка за обезбедување и одлучил момчето да биде испратено во воспитно-поправниот дом во Тетово.
Незадоволен од пресудата на скопскиот кривичен суд, имајќи го предвид претходно поведениние на сторителот, јавниот обвинител ја обжалил одлуката на судот и предметот во моментов е во жалбена постапка.
Извор: 24vesti.mk
