374 граѓански организации од 27 земји реагираа поради протетрувањето на 13 странски државјани од Србија меѓу кои е и македонската државјанка Ирена Росо, затоа што властите оцение дека се „безбедносен ризик“ за земјата.
Односно извршен им е политички прогон под сомнение дека се надворешни непријатели кои се обвинети за протестите во Србија. Ова дејство, кое се случи на 22 јануари 2025 година, предизвика сериозна загриженост и осуда од страна на организациите кои работат на полето на човековите права и демократските вредности.
– Со голема загриженост, ние, потписниците на оваа изјава, 374 граѓански организации од 27 земји низ Европа, ја примивме алармантната вест за ноќното притворање и неправедната депортација на државјани од Хрватска, Словенија , Романија , Австрија, Албанија и Македонија кои се наоѓале во Белград на студиска посета на програмата на Ересте фондација , која е посветена на образование на млади професионалци кои работат во НВО секторот. Силно апелираме до српските власти да обезбедат транспарентно објаснување за овие неразумни и нелегитимни дејства против граѓански активисти од земји-членки на ЕУ и кандидат за членство, и да осигураат дека ваквото неправедно третирање нема да се повтори.
Протерувањето на 13те странски државјани е меѓународен срам за Србија, вели новинарката Јелена Зориќ од БИРН. Таа истакнува дека наспроти тврдењата на српските власти, активистите немаат никаква поврзаност со протестите на студентите во Србија.
Македонската државјнка која беше протерана заедно со останатите 12 државјани од други земји веќе изјави дека не знае зошто се депортирани од Србија, ниту пак каков ризик претставуваат.
– Не знам што се случи, како се случи и зошто се случи… никој од нас не знае. Но, беше многу непријатно. Не ни кажаа каков ризик претставуваме. – Ирена Росо.
Македонското МНР веќе побара објаснување од Србија за протерувањето на македонската државјанка. Росо, извршна директорка на здружението на граѓани за поддршка на лица со попреченост „Солем“ е единствената македонска државјанка која учествувала на едукацијата и е протерана од Србија. Една година ѝ е забранет влезот во оваа држава. Сите протерани имаат исти решенија за депортација и треба да поднесат жалба во рок од 15 дена.
Извор: 24vesti.mk
