Ова е населбата 146 во Тетово.
Пред 20 години започна проект за решавање на проблемот со водата за пиење, но никако да заврши.
Жителите со иронија велат дека за 20 години и од небо ќе стигнеле со проектот. Веќе не веруваат дека некогаш воопшто ќе биде завршен.
-Никогаш. Ајде влези да ги видиш моите буриња што ги носам од Текето и го полнам хидрофорот. Овде ставија црево пред една година! Но, кога ќе дојде?! Кога ќе дојде судниот ден! Оваа моја генерација нема да успее, а уште пар генерации нема! 20 години се зборува дека ќе го направат, ќе го донесат, од небо до сега ќе го донесеа, не знам какви манипулации се случуваат?! – велат жителите.
Жители: Немаме вода.
ТВ21: Како се снаоѓате?
Жители: Како и да е, полнат во градот и доаѓаме.
Жители: Како се снаоѓаме?! Од потоците, што да правиме?! Вода нема никаде! Никогаш не доаѓа овде, затоа што никогаш не носат, само лажат, само со лаги! Ги полниме бунарите, кој има. Што можете да направите, тука е „див запад“.
Од општина Тетово велат дека работите ќе започнат во март. Ќе ја спроведат главната цевка од филтер станицата до базенот кој е изграден.
-Водоводната мрежа е завршена, а и резервоарот е веќе подолго време завршен останува само прашањето за главниот цевковод од филтрационата станица во Лисец до резервоарот во 146, а секако од водоводната компанија „Шара“ не информираа дека поради лошите временски услови не можеле да работат на терен, а секако од март ќе започнат работите, изјави Бесарта Рамадани, портпаролка на општина Тетово.
Населбата интензивно се развиваше по 2002 година и сега има над 2000 домаќинства. Оттогаш неколку градоначалници ветија дека ќе го средат проблемот со водата, но досега никој не го исполни ветувањето.
ИЗВОР: ТВ 21
