АНКАРА (АА) – Најмалку 39 Палестинци, меѓу кои 13 деца, се убиени во новите израелски воздушни напади во северниот дел на Појасот Газа денес, јавува Анадолу.
Израелски воени авиони бомбардираа населена куќа во Џабалија, најголемиот од бегалските кампови во Газа, при што загинаа најмалку 32 лица, меѓу кои 13 деца, изјавија медицински извори.
„Десетици луѓе се повредени, додека неколку лица се исчезнати“, додадоа изворите.
Сведоците рекоа дека повеќекатниот објект, во кој биле сместени и неговите станари и раселени семејства, бил уништен во нападот, а многумина сè уште се заробени под урнатините.
Уште пет лица загинаа во друг израелски напад врз куќа во населбата Сабра во градот Газа, изјави друг извор.
Еден Палестинец го загуби животот во друг израелски напад во бегалскиот камп Џабалија, изјавија истите извори.
Израелската армија продолжи со смртоносниот напад во северниот дел на Газа од 5 октомври за наводно да го спречи Хамас да се прегрупира при задушувачка опсада на областа. Палестинците го обвинуваат Израел дека сака да ја окупира областа и насилно да ги исели нејзините жители.
Оттогаш, израелската армија не дозволува влез на хуманитарна помош, храна, лекови и гориво, да влезе во областа, оставајќи го најголемиот дел од населението таму на работ на неизбежен глад.
Израел продолжи со разорната офанзива во Појасот Газа од 7 октомври 2023 година. Во нападите убиени се над 43.500 Палестинци, а енклавата е направена непогодна за живеење.
Извор: Anadolu Agency (AA)
