Зеленски: Од почетокот на војната од руско заробеништво се вратија 1.762 Украинци

КИЕВ (АА) – Вкупно 1.762 Украинци се вратени од руско заробеништво од почетокот на војната, изјави украинскиот претседател Владимир Зеленски, пренесува Анадолу.

Зеленски во видеопорака на Телеграм истакна дека уште 116 украински војници се ослободени во последната размена на заробеници меѓу Русија и Украина.

Посочувајќи дека размената се одвива со месеци, Зеленски рече: „Од 24 февруари, 1.762 Украинци успеаја да се вратат од руското заробеништво.“

Зеленски истакна дека имал телефонски разговор со британскиот премиер Риши Сунак на кој било разговарано за помошта во оружје за неговата земја.

„Нашите војници веќе започнаа со обука за тенковите Челинџер 2 во Британија“, рече украинскиот претседател.

Тој нагласи дека најтешките борби од почетокот на руската агресија се водени во регионот на Доњецк.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..