Вучиќ за посетата на неговиот син Данило на Република Српска: Дали сакавте да го убиете?

January 11, 2023
1 min read

Говорејќи за престојот на неговиот син Данило во Република Српска, српскиот претседател Александар Вучиќ рече дека не ја разбира смислата на приказната за неговата посета и дека тој не бил дел од ниту една делегација

Зборувајќи за престојот на неговиот син Данило во Република Српска, српскиот претседател Александар Вучиќ изјави дека службите на БиХ постапиле непрофесионално и дека медиумите постапиле „грубо“.

„Ова е интересна приказна. Не ја разбрав поентата на сето ова со Данило. Која беше грешката? Дека рековте дека е дел од делегација? Лажевте. Никаде не пишува дека е дел од делегацијата. Ова го објавија тајкунските медиуми во Србија, а го пренесуваа нивните медиуми. Не бил дел од ниту една делегација, ништо“,

изјавил Вучиќ, а потоа побарал од соработниците „да му донесат папка“.

Сега ќе видите до каде оди сечија дрскост. И домашните и странските медиуми. За мене непрофесионалноста на босанските служби е неверојатна бидејќи такви работи не се прават, додаде Вучиќ, пренесува Нова.рс.

Вучиќ објасни дека писмото испратено преку амбасадата е стандарден документ и дека тоа обично се прави.

„Истите документи ги имаше и Борис Тадиќ. Сè е логично, што беше проблемот. Се чинеше дека проблемот е што тоа беше мојот син. Еве го документот за мојот син, а еве за Тадиќ и членовите на неговото обезбедување“,

рече Вучиќ покажувајќи ги хартиите.

Според него, службите на БиХ покажале непочитување.

„Ги објавивте броевите на мобилните телефони и пиштолите на обезбедувањето на мојот син. Што правевте, сакавте да го убиете? Што е тука проблемот. Сите овие и многу други документи ќе ги покажам во понеделник во ‘Кирилица’. Секако дека ќе гризам и ќе јадам за моите две поголеми деца, бидејќи тие само мене ме имаат за родител. Продолжете да го правите тоа, а јас ќе продолжам да докажувам колкави лажговци сте“,

рекол Вучиќ.

Синот на српскиот претседател Данило Вучиќ, кој учествуваше на прославата на 9 јануари, Денот на Република Српска, престојуваше во Босна и Херцеговина придружуван од вооружени припадници на српската полиција, објавија медиумите во Босна и Херцеговина како одговор на тврдењата на Александар Вучиќ дека неговиот син во Босна и Херцеговина престојувал исклучиво како приватно лице.

Српската амбасада во Сараево преку дипломатски канали го известила Министерството за надворешни работи на БиХ дека Данило Вучиќ доаѓа во таа земја од 8 до 11 јануари со намера да ги посети Бања Лука и Јахорина и дека тие денови ќе биде придружуван од пет вооружени лица, се наведува во писмото, чиј примерок објави порталот Истрага.ба, близок до безбедносните служби во Босна и Херцеговина.

Извор: 360stepeni.mk

MARKETING

MARKETING

Претходно

Нема доволно потписи за вонредна седница на Советот на Град Скопје

Следно

Зеленски: Мораме да бидеме подготвени на границата со Белорусија

Latest from Blog

Градоначалникот на Дојран, Ангов: Будно ја следиме состојбата со пожарите на терен

Градоначалникот на Дојран, Анго Ангов, вечерва преку својот фб профил им се заблагодари на сите учесници кои учествуваа во гаснењето на пожарот крај Дојранското Езеро. Фб, статусот ви го пренесуваме во целост:

Министерство за здравство: Се следи состојбата со пожарите на терен и се постапува согласно развојот на настаните

Министерството за здравство информира дека во контекст на актуелните пожари, здравствениот систем „е целосно мобилизиран и подготвен за навремен и соодветен одговор на евентуалните последици“… Формирани се дополнителни медицински тимови, обезбедени се

Челникот на Анадолу на изложбата на İstanbul Photo Awards: Секоја фотографија ја пренесува состојбата на светот

ИСТАНБУЛ (АА) – „İstanbul Photo Awards“ уште еднаш покажува дека секоја фотографија со документарна вредност не е само слика туку јазик за разбирање и пренесување на состојбата на светот и суштината на
Go toTop