Вработените во Министерството за култура и денеска на протест, бараат средба со министерот за финансии

March 29, 2023
1 min read

И на денешниот протест вработените од Министерството за култура, Управата за културно наследство и Агенцијата за филм побараа од министерот за финансии Фатмир Бисими да ги прими и да ги слушне нивните барања. Тие уште еднаш испратија апел за зголемување на нивните плати за 30 проценти, по примерот на зголемувањето на платите во Министерството за финансии.

Четири дена министерот Бисими не издвои десет минути од своето време, од својата агенда да не удостои со своето внимание за да ги слушне нашите барања. Уште една манифестација на нерамноправниот однос на надлежните кон вработените во јавниот сектор. Уште една потврда дека вработените во одредени министерства се поважни од другите. Уште една потврда дека не постои волја да се решаваат работите туку да се наметнуваат решенија кои се поволни за едните, но не и за другите, порача претседателот на Синдикалната организација на УПОЗ при Министерството за култура, Бранко Костовски, на денешниот протест што се одржа четврти ден.

Тој потенцираше дека Министерството за култура, Управата за културно наследство и Агенцијата за филм немаат склучено никаков колективен договор на ниво на работодавец. Според него, 70 проценти од вработените во Министерството, односно 90 проценти во Управата имаат подпросечна плата во државата.

Колективниот договор кој вчера беше посочен од страна на претседателот на Владата се однесува за вработените во установите од областа на културата, а не на вработените во Министерството, Агенцијата и Управата. Бараме достоинствена валоризација на нашиот труд, бараме зголемување на платите за 30 проценти по примерот на зголемувањето на платите во Министерството за финансии, го бараме она што го заслужуваме, додаде Костовски.

Тој посочи дека нема да отстапат од нивните барања. Како што рече, подготвени се на дијалог, но во отсуство на истиот, ќе бидат принудени да бараат нови начини за изразување на нивното незадоволство.

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ИЗВОР: republika.mk

MARKETING

MARKETING

Претходно

Мурињо останува во Рома

Следно

ОН усвои Резолуција со која се бара дефинирање на обврските во борбата против климатските промени

Latest from Blog

ФОТО: Невеш со емотивна објава се прости од Жота – „Животот нè спои и сега ништо не може да нè раздели“

Фудбалскиот свет сè уште е во шок по трагичната смрт на ѕвездата на Ливерпул и португалски репрезентативец, Диого Жота заедно со својот брат Андре го загуби животот во сообраќајна несреќа во четвртокот

АТС АММО: Пожарот во близина на Самоков целосно локализиран и изгаснат, без опасност по фабриката

Компанијата АТС АММО од Самоков, Македонски Брод, излезе со соопштение по повод денешниот пожар што избувна во близина на нивната фабрика. Од таму информираат дека пожарот бил целосно локализиран и веднаш потоа

Високи температури утре низ државата; портокалово предупредување од УХМР

Утре (недела, 6 јули 2025) се очекува стабилно, претежно ведро време со изразен пораст на температурата и активен портокалов аларм за екстремна горештина на целата територија на Македонија. Општинските служби советуваат ограничување

Израел ќе испрати делегација во Катар на преговорите за прекин на огнот во Појасот Газа

Израелски медиуми објавија дека Израел ќе испрати делегација во Катар која ќе преговара за ослободување на заложниците и прекин на огнот во Појасот Газа. Но, не е прецизирано кога израелската делегација ќе
Go toTop