Возачите немаат трпение: Две тепачки за неколку часа на скопските улици

Во текот на вчерашниот ден се случиле две тепачки меѓу возачи на скопските улици.

Најпрво во 11.15 часот во СВР Скопје, Б.Д.(27) од Скопје пријавил дека на ул.„Иван Хаџиниколов“ во Скопје, поради недоразбирање во сообраќајот, бил физички нападнат од едно лице.

Потоа во 15.00 часот во СВР Скопје, Б.Б.(36) од Скопје пријавил дека околу 14.00 часот на ул.„Радишанска“ во Скопје, поради недоразбирање во сообраќајот, бил физички нападнат од А.М.(40) од Скопје.

МВР информира дека се преземаат мерки за расчистување на случаите.