Во Албанија ден на национална жалост за жртвите од несреќата во Грција, меѓу нив има четворица Албанци

March 5, 2023
1 min read

Со одлука на Владата денешниот ден во Албанија е ден на национална жалост во знак на почит за жртвите во железничката несреќа во Грција.

На сите државни институции, како и на албанските дипломатските претставништва во светот, знамето е спуштено на половина копје, објави на Фејсбук премиерот Еди Рама.

– Трагедијата на Грција е и наша трагедија, болката за изгубените животи во страшната несреќа е и наша и ова е еден од оние моменти во животот, кога една голема загуба кај соседот покажува многу повеќе од сто радости дека нашите животи се нераскинливо поврзани и дека мораме да дадеме се од себе да ги направиме што е можно подобри, соработувајќи се повеќе и повеќе меѓу себе, напиша Рама.

Министерството за Европа и надворешни работи соопшти дека со ДНК анализа е потврдено дека меѓу јагленисаните тела се и телата на четворица студенти-Албанци, од нив две девојки, а за уште еден кој се води како исчезнат се чека ДНК анализа.

Жртвите се Ифигенија Миска, Павлин Бозо, Јоанис Џола и Клаудиа Лата, кои живееле во Грција, а некој од нив имал и грчко државјанство.

Албанската Влада 13 февруари го прогласи за ден на национална жалост во знак на почит за жртвите во катастрофалниот земјотрес во Турција.

ИЗВОР: kurir.mk

MARKETING

MARKETING

Претходно

Почина бебето кое на Детска клиника беше примено со туберкулоза

Следно

Почина деветмесечното бебе со туберкулоза кое во тешка состојба беше донесено на Детската клиника

Latest from Blog

Арабел Рустемовски освои бронзен медал на Европското јуниорско првенство

Арабел Рустемовски освои бронзен медал на Европското јуниорско првенство во Нови Пазар, Србија. Арабел загуби од Владимир Мшецјан од Ерменија 1-4, односно 1-2 во рунди. Ова е голем успех за Арабел, Македонија

Авионска дезинсекција против комарци во среда во Скопје

Градот Скопје ги известува граѓаните дека на 16.07.2025 година (среда), во раните утрински часови ќе се реализира авионска дезинсекција на подрачјето на градот Скопје, против  ларви од комарци. Доколку временските услови не

Мицкоски конечно призна дека државата доцни со поврат на ДДВ: Срамно е граѓаните и фирмите да му се јавуваат нему

Социјалдемократскиот сојуз смета дека срамно е премиерот Христијан Мицкоски да ги повикува фирмите да му се јавуваат за повратот на ДДВ. „Денес премиерот Христијан Мицкоски конечно призна дека државата со месеци доцни
Go toTop