Украинските власти извршија претрес во домот на поранешниот министер за внатрешни работи

1 min read

Поранешниот украински министер за внатрешни работи Арсен Аваков изјави дека припадници на службата за безбедност денеска извршиле претрес во неговиот дом како дел од истрагата за купување хеликоптери „Ербас“, јави „Украинска правда“.

Хеликоптер „Ербас“ се урна на 18 јануари, при што загинаа 14 лица, меѓу кои и министерот за внатрешни работи Денис Монастирски и други високи функционери во Министерството.

Службата за државна безбедност на Украина (СБУ) не одговори веднаш на барањето за коментар за извештајот на „Украинска правда“. Шефот на владејачката партија во Украина подоцна потврди дека е претресен домот на Аваков.

„Украинска Правда“ цитира изјава на Аваков дека потрагата е поврзана со хеликоптерската несреќа.

– Тие ги преразгледуваа договорите со Ербас од пред шест години, рече тој.

Аваков (59) поднесе оставка од министерската функција министер во јули 2021 година. Пред оставката беше еден од највлијателните функционери во Украина, а министер за внатрешни работи беше повеќе од седум години.

ИЗВОР: kurir.mk

Претходно

Шпанија планира да им испрати тенкови „леопард“ на Украинците

Следно

Мицкоски: Апелирам Тупанчевски наместо да дава недвосмислена поддршка на Ахмети и Груби, да се потруди и да воспостави европски вредности, да не се споредуваме и да сме задоволни во друштво со Суринам, Тунис и Индија

Latest from Blog