Украина го критикува Милановиќ за неговите коментари за Крим

January 31, 2023
1 min read

Реакцијата на украинската дипломатија која ги нарече неприфатливи изјавите на хрватскиот претседател е одговор на коментарот на Зоран Милановиќ кој на 30 јануари изјави дека е „сосема јасно оти Крим (кој бил незаконски анектиран од Русија во 2014 година) никогаш повеќе нема да биде дел од Украина“

Украинското Министерство за надворешни работи ја оцени како неприфатлива изјавата на хрватскиот претседател Зоран Милановиќ кој вчера кажа дека Крим никогаш нема да се врати под украинска контрола. Според украинското МНР, со оваа изјава Милановиќ го довел во прашање територијалниот интегритет на Украина.

„Се прашувам дали Зоран Милановиќ би можел да стане претседател на својата земја со таква реторика во деведесеттите, додека Хрватска се бореше да ја зачува својата државност? Дали неговите гласачи би се согласиле да ги затворат очите пред окупацијата на дел од нивната земја? Се сомневам“,

напиша портпаролот на украинското МНР, Олег Николенко, на Фејсбук.

Во обајавата на Фејсбук портпаролот на МНР на Украина додава оти поради надворешната агресија Хрватска можела да изгуби една третина од својата територија, но како што вели, благодарение на херојската борба, Хрватите успеале да ја заштитат независноста на својата земја.

На крајот на објавата Николенко вели оти изјавите на Милановиќ за Крим се неприфатливи бидејќи го доведува во прашање територијалниот интегритет на Украина.

„Наместо тоа, ние многу ја цениме и им благодариме на хрватската влада и на хрватскиот народ за нивната непоколеблива поддршка на Украинците во борбата против руската агресија“,

заклучи тој.

Реакцијата на украинската дипломатија е одговор на коментарот на хрватскиот претседател Зоран Милановиќ кој на 30 јануари изјави дека е „сосема јасно оти Крим (кој бил незаконски анектиран од Русија во 2014 година) никогаш повеќе нема да биде дел од Украина“.

Милановиќ додаде и дека Хрватска, освен со испраќање хуманитарна помош во Украина и осуда на агресијата, не треба да биде учесник во конфликтот.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Апсења на Бит Пазар и во Карпош поради дрога

Следно

Протести во Франција поради најавената пензиска реформа

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop