Турските обвинители започнаа истрага против Палудан и Вагенсвелд за палењето на Куранот

1 min read

АНКАРА (АА) – Турските обвинители започнаа истрага против исламофобичните дански и холандски политичари под обвинение за поттикнување омраза и непријателство во јавноста и за навреда на верските вредности, јавува Агенција Анадолија (АА).

Овој потег уследи откако данско-шведскиот екстремист Расмус Палудан минатата недела во два наврати запали примероци од Куранот, прво пред Турската амбасада во Шведска, а потоа и пред џамија во Данска.

Едвин Вагенсвелд, крајно десничарски холандски политичар и водач на исламофобната група „Патриотски Европејци против исламизацијата на Западот“ (PEGIDA), искина страници од примерок на Куранот во Хаг, а потоа, како што е објавено на интернет, ги запалил искинатите страници во тепсија.

„Осомничените извршиле дела на јавно поттикнување јавна омраза и непријателство кон светите вредности на исламската вероисповед, Куранот и Пратеникот на исламот, и отворено ги навредуваа верските вредности што ги застапува дел од луѓето“, се наведува во соопштението на обвинителите во Анкара, главниот град на Туркије.

Многу муслимански држави, а особено Туркије, жестоко реагираа поради тоа што надлежните власти дозволија палење на Куранот.

Во Туркије и во многу други држави се одржаа бројни протести по сквернавењето на Куранот.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

Претходно

Седница на собраниската Комисија за европски прашања

Следно

Полицијата казни 143 возачи во Скопје

Latest from Blog